F.B.
Kosova mbetet pa një emër të spikatur të skijimit dhe sportit.
Në moshën 79-vjeçare ka ndërruar jetë prof. Fetah Musa.
Prof. Musa mbrëmë ndërroi jetë dhe sot është varrosur me nderime të larta në qytetin e Pejës.
Profesor Feta Musa, në vitet e arta ishte trajner i KS Rusolia nga Peja, i cili ka lënë gjurmë të pashlyeshme.
Me punën e tij të asaj kohe lirisht mund të quhet edhe patriotike, ka zbuluar e formuar skiator të spikatur që kanë gjunjëzuar kundërshtarët e ish-Republikave të shtetit të shpërbërë, ish Jugosllavisë.
“Na paska shkuar në ameshim shoku e miku i fëmijërisë, rinisë e pleqërisë Fetah Musa, njeriu që me sjelljen e vet la kujtime për të gjithë ata që e njohën, me urtësinë e vet, me humorin e lehtë dhe kontributin gjatë jetës që e jetoi.
Ngushëllime Valides, Yllit, Hanës e komunitetit sportiv me të cilët ishte i lidhur shumë!”, ka shkruar prof. Jakup Kasapolli në profilin e tij në facebook.
