Shefi i Grupit Parlamentar të AAK-së, Besnik Tahiri, ka reaguar ndaj Qeverisë Kurti, pas ankesave të qytetarëve për fatura të fryra të energjisë elektrike.
Deputeti i AAK-së, ka thënë se është shqetësuese sesi Kosova me të ardhurat më të ulëta në Evropë, qytetarët e saj të paguajnë fatura me shpenzime si në Belgjikë e Luksemburg.
”Në vendin me të ardhurat më të ulëta për kokë banori në rajon dhe Evropë, qytetarët e Republikës së Kosovës paguajnë fatura ekuivalente me shpenzimet që paguajnë qytetarët e vendeve më të pasura si Belgjika e Luksemburgu. Po shkojmë drejt një situate alarmante ku faturat mesatare të familjeve me pak anëtarë, të jenë mes 250 – 350 euro. Kjo është qeverisje e të paaftëve dhe mashtruesve. Ky kryeministër është babadimri i llojit të vet, i cili shpërndanë me një dorë, e grabitë me të dy duart. Hajde tash kallxona se si KEDS-i përcakton çmimet, dhe se si ju nuk keni asgjë në dorë. Turp!”, ka shkruar Tahiri në Facebook.
