F.B.
Ish-presidenti i FC Prishtinës, Remzi Ejupi, ka zbuluar për herë të parë sonte në emisionin “Favorit” në T7 se Edon Zhegrova ka qenë në prag që të pranonte të luante për një vend tjetër, para se t’i bashkohej Kombëtares së Kosovës.
Ejupi tha se Zhegrova ishte para nënshkrimit me një Kombëtare tjetër, teksa zbuloi prapaskenat se si e ndalën për të bërë një gjë të tillë.
“Po e them për herë të parë. Edon Zhegrova ka qenë para nënshkrimit me një shtet tjetër, emrin s’po e them. Ka qenë e vështirë të vinte këtu. Këtu thonin se duhet të hyjë me meritë. E kemi lutur për të qëndruar. Kam qenë i pranishëm aty, bashkë me Fatos Hoxhën, Prekazin dhe babanë e tij. E kemi lutur ‘tokë e qiell’ që të mos nënshkruajë duke i thënë ‘mos Edon se na vyen, Kosova është vend i vogël’ dhe ka vendos. Pastaj është angazhuar edhe Fadil Vokrri…”, deklaroi Ejupi.
