F.B.
Malisheva ka marrë fitore të madhe kundër Dritës në ndeshjen e xhiros së tetëmbëdhjetë në kuadër të Superligës së Kosovës në futboll. Poashtu edhe Feronikeli ka fituar ndaj Fushë Kosovës e edhe Dukagjini kundër Gjilanit.
Skuadra e Malishevës ia ka dalë që të fitojë në Gjilan kundër ish-kampionit. Rezultati përfundimtar ka qenë 1-2 në favor të Malishevës.
Drita ka kaluar herët në epërsi, qysh në minutën e pestë me golin e Krasniqit, por nuk ka qenë në gjendje që ta mbrojë rezultatin. Reagimi i malishevasve ka qenë i shpejtë, kur fillimisht Hazrollaj në minutën e shtatëmbëdhjetë e ka barazuar rezultatin e pastaj Aliu në kohën shtesë të pjesës së parë ka realizuar golin e fitores.
Pjesa e dytë nuk ka ndryshuar rezultatin.
Në Fushë Kosovë, Feronikeli ka fituar ngushtë, 1-0, me golin e Musës në minutën e nëntë.
Ndërsa në Klinë vendasit kanë shënuar kundër Gjilanit vetëm në minutat shtesë kur ka realizuar Neziri.
Tabelën e Superligës vazhdon ta kryesojë Ballkani.
