F.B.
Një gazetare është sulmuar dhe penguar gjatë ditës së sotme nga një qytetar teksa po raportonte nga Brezovica.
Lajmin e ka bërë të ditur AGK, teksa ka bërë thirrje për trajtim profesional të rastit nga Policia e Kosovës.
“Asociacioni i Gazetarëve të Kosovës është i shqetësuar me pengimin dhe sulmin ndaj gazetares, Rinë Haziri, dhe i bënë thirrje Policisë së Kosovës që rastin ta trajtojë me prioritet në mënyrë që personi të mbahet përgjegjës për veprimet”, njofton AGK.
Në pamjet e publikuara nga media ku edhe punon Rina Haziri, shihet dhe dëgjohet një person teksa i thotë të mos incizojë.
“Më tej bëhet e ditur se i njëjti person ka dalë nga vetura dhe me dhunë ia ka kapur telefonin nga dora, duke vazhduar ta kërcënojë edhe me fjalë të tjera”, njofton AGK.
