Arbnora Idrizi sërish në librin e Guiness, këtë herë me mozaikun e flamurit

F.B.

Rekordmenja shqiptare e Guinness, Arbnora Idrizi, ka arritur që ta marrë këtë titull për të katërtën herë me radhë.

Kësaj radhe, ajo ka përgatitur mozaikun më të madh me lule origami, të cilën e ka realizuar me flamurin kombëtar. Mozaiku ka pasur përmasat prej 1,303 metra katror dhe ka ardhur në nder të 28 Nëntorit.

“Sot vendosem histori përsëri me një rekord të jashtëzakonshëm! Faleminderit për mbështetjen tuaj të vazhdueshme, bashkë po shkruajmë kapituj të pazakontë të suksesit. Mrekulli e re! Sot kam shënuar një tjetër fitore duke vendosur një rekord botëror të ri. Faleminderit për përkrahjen tuaj, ky sukses është i juaji po aq sa është im”, ka shkruar Arbnora Idrizi në rrjetet sociale.