Skuadrat favorite i kanë kaluar me sukses “pengesat” që i kishin në 1/16-ën e finales së Kupës së Kosovës.
Ballkani e nisi me fitore rrugëtimin në këtë garë duke e mundur Drenicën me rezultat 2:0 falë golave të Nazmi Gripshit.
Ndërkohë, nënkampionia e Kosovës, Drita e dërrmoi Dardaninë duke e mposhtur me rezultat të thellë, 9:0, shkruan “Gazeta Express”.
Nga gola për gjilanasit i shënuan Blend Baftiu e Rilind Haziraj, kurse nga një e shtuan Leonat Vitija, Ardit Tahiri, Raddy Ovouka, Dienit Isufi e Meris Maliqi.
Përpara në këtë kompeticion shkoi edhe Prishtina, e cila iu falënderua dy golave të Jalen Blesas në fitoren 2:0 kundër Rahovecit.
Në ndeshjet tjera, Dukagjini e eliminoi Flamurtarin, të cilin e mundi 3:0, kurse Gjilani ishte më i mirë se Ramiz Sadiku (3:1) e Feronikeli 74 e eliminoi Istogun (2:0).
E befasia e sotme ishte eliminimi i Lirisë, e cila humbi në penallti nga Rilindja 1974.
Rezultatet e 1/16 të finales së Kupës
Drenica – Ballkani 0:2
Dardania – Drita 0:9
Rahoveci – Prishtina 0:2
Ramiz Sadiku – Gjilani 1:3
Flamurtari – Dukagjini 0:3
Feronikeli ’74 – Istogu 2:0
Fushë Kosova – 2 Korriku 1:3
Vllaznia (P) – Trepça ‘89 2:4
Vëllaznimi – Ferizaj 2:1
Liria – Rilindja 1974 2:2 (4-5 në penallti)