Komisioni për Ekonomi, Industri Ndërmarrësi dhe Tregti ka miratuar raportin me amendamente për Projektligjin për Fondin Sovran.
Pro tij votuan vetëm deputetë të mazhorancës, deri sa ata të opozitës nuk morën pjesë në votim.
ADVERTISEMENT
“Në kuadër të grupit punues kemi realizuar aktivitetin e nevojshëm për shqyrtimin e këtij projektligji. Në tërësi amendamentet kanë të bëjnë më shumë me riformulime ose ndërhyrje teknike. Mund të numërojmë diku 47 amendamente”, tha deputetja e Listës Guxo, Jeta Statovci.
Partitë opozitare patën thënë më herët se ky projektligj është antikushtetues dhe mund të përfundojë në gjykatë.
