F.B.
Kosova luan në udhëtim ndaj Zvicrës në kuadër të raundit të nëntë në grupin E, për kualifikueset e Euro 2024.
Dardanët hyjnë në këtë takim me ndjesi pozitive, pas fitores së arritur në “Fadil Vokrri” një javë më parë ndaj Izraelit me rezultat 1-0.
Kualifikimi është shumë i vështirë për Kosovën, pothuajse i pamundur pasi do të duhej që ata të fitonin dy ndeshjet e mbetura dhe të shpresonin në një humbje të Zvicrës ndaj Rumanisë.
Kosova është duke u ballafaquar me mungesa të shumta për këtë ndeshje, ndërsa sot u bë e ditur që edhe Arijanet Muric, Milot Rashica dhe Ermal Krasniqi nuk do të jenë në dispozicion të trajnerit Primozh Gliha.
Kosova paraqitet me sistemin 3-5-2, ku porta i është besuar Visar Bekajt, ndërsa në mbrojtje luajnë Ilir Krasniqi, Fidan Aliti dhe Lumbardh Dellova.
Në mesfushë Gliha ka vendosur të luajë me Bernard Berisha, Mërgim Vojvoda, Qëndrim Zyba, Florent Muslija dhe Florent Hadërgjonaj.
Sulmit i prin dyshja Elbasan Rashani dhe Zymer Bytyqi.
Në anën tjetër tek Zvicra nga minuta e parë do të luajnë dyshja shqiptare Xherdan Shaqiri dhe Granit Xhaka.
Formacionet zyrtare:
Kosova: Bekaj; Krasniqi, Aliti, Dellova; Berisha, Vojvoda, Zyba, Muslija, Hadërgjonaj; Rashani, Bytyqi.
Zvicra: Sommer, Commert, Akanji, Elvedi, Garcia, Zakaria, Xhaka, Freuler, Shaqiri, Okafor, Vargas.
