Tifozët e zjarrtë të Dortmundit në pjesën e parë të ndeshjes së raundit të katërt të Ligës së Kampionëve kundër Newcastle reaguan ashpër ndaj tre figurave të fuqishme të futbollit botëror.
Ata pikturuan karikaturat e tre fuqive të futbollit , Nasser Al Khelaifi, Gianni Infantino dhe Andrea Angielli dhe i thanë “jo” reformës së Ligës së Kampionëve.
“Nuk ju intereson sporti, ju interesojnë vetëm paratë”, thuhet në një mesazh të spikatur në tribunën e tifozëve verdhezinjë.
Kujtojmë se nga sezoni 2024/2025, Liga e Kampionëve do të nisë në një edicion krejtësisht të ri dhe të pazakontë, gjë që nuk u pëlqen aspak tifozëve gjerman.
Gara më elitare e klubeve nga sezoni 2024/2025 do të përbëhet nga një rekord prej 36 skuadrash që do të grupohen në një grup të vetëm ku do të luajnë tetë ndeshje secila, katër në shtëpi dhe katër si mysafiër kundër tetë kundërshtarëve të ndryshëm.
Pas këtyre tetë raundeve, tetë skuadrat më të mira të grupit do të fitojnë një vend në raundin e 16-të dhe skuadrat nga vendi i nëntë deri në vendin e 24-të do të fitojnë një vend në raundin e gjashtëmbëdhjetë të garës, me ekipet nga e 9-ta në të 16-tën që do të luajnë kundër skuadrave të renditura nga vendi 17-24, të cilat do të jenë nikoqire në ndeshjen e parë.
Skuadrat nga vendi 25-36 do të eliminohen dhe do të vazhdojnë garën në Ligën e Evropës.
