“Mossos d’Esquadra” ka arrestuar Dani Alves, pasi ish-lojtari i Barcelonës dha një deklaratë në komisariat. Braziliani akuzohet për një sulm se*sual të dyshuar ndaj një vajze në klubin e natës “Sutton” në Barcelonë dhe është pyetur për këtë sot në polici.
Dani Alves tani shkon në gjykatë. Lojtari u transferua me një makinë policie në gjykatë dhe tani gjyqtari do të vendosë se çfarë të bëjë me të, do ta dërgojë në burg apo do ta çlirojë nga akuza.
“Viktima” e denoncoi ish-futbollistin për prekje jo konsensuale në ambientet e sipërpërmendura gjatë festave të kaluara të Krishtlindjeve. Lojtari u denoncua më 2 janar dhe tashmë ka dhënë një deklaratë në komisariat. Dani Alves u largua nga Barcelona në fund të sezonit të kaluar.
Disa fakte që ish-lojtari i Barcelonës i mohoi kategorikisht në programin “Sonsoles” pak ditë më parë: “Unë isha atje, në atë vend, me shumë njerëz që kënaqeshin, pa pushtuar hapësirën e të tjerëve. Më vjen shumë keq, por unë nuk e di kush është ajo zonjusha. Unë kurrë nuk kam pushtuar hapësirën e dikujt pa autorizim”.
E njëjta linjë që mbështet edhe gruaja e tij, modelja Joana Sanz: “E di kush është burri im, e di se si e kam njohur, e di sa i respektueshëm është, sepse as kur po më njihte nuk më kishte shpërfillur. E kam parë shumë herë sesi femrat i afrohen, duke guxuar të provojnë diçka. Nëse e bëjnë në praninë time, nuk dua ta imagjinoj kur nuk jam aty”.
