Laureati i edicionit të pare të Festivalit të Këngës në RTK, La Fazani ka rikënduar këngën e tij konkurruese “Oj Kosovë”, me të cilën e mori çmimin e parë.
Kënga e tij me plot ritëm e gjallëri dhe lojës skenike tejet aktive, edhe në përmbajtje qëndron artistikisht mes satires e ironisë.
Nga njërën anë ironizon me patriotizmin e pompozuar, e nëpërmjet satirës e shpreh indiferencën, korrupsionin dhe mbrojtjen e interesave personale në çdo hallkë.
“Shumë faleminderit gjithë njerëzve këtu, keni qenë publiku më i mirë në botë. Faleminderit Orkestrës, nga fillimi kemi kaluar shumë mirë me ju”, ka thënë La Fazani pas performancës.