Sonte nga Salla e Madhe e Pallatit të Rinisë do të ridëgjohen tingujt e 18 këngëve garuese. Nata e dytë e Festivalit të Këngës do të vazhdojë të sjellë program magjik.
Juria profesionale në përbërje: Alma Bektashi, Ulja Sjostrom, Adi Hila, Alban Nimani dhe Zake Prelvukaj do të përzgjedhë 9 këngët finaliste, të cilat do të vazhdojnë garën drejt natës së fundit.
Shikuesit e RTK-së do ta kenë rastin të shohin glamurin muzikor, duke filluar nga ora 21:00, ndërkaq pas orës 23:00 do të transmetohet “Post Festivali”, ku panelistēt do të komentojnë mbrëmjen.
Përveç në RTK1, RTK2, Radio Kosova 1, Festivali i Këngës do të transmetohet edhe në uebfaqen rtklive.com, e cila është e qasshme edhe jashtë kufijve të Kosovës.
Gjithashtu Festivali i Këngës do të transmetohet edhe në Radiotelevizionin Shqiptar dhe Radiotelevizionin e Maqedonisë së Veriut, në kanalin e dytë. / RTKlive
