Kuvendi i Kosovës ka votuar kundër për tërheqjen nga qytetarët të 30 për qind të parave nga Trusti Pensional.
Në sallë ishin të pranishëm 101 deputetë, prej të cilëve 97 kanë votuar. Nga ta, 42 kanë votuar pro, 55 kanë votuar kundër kurse abstenim nuk pati.
Me këtë rast, qytetarët e Kosovës nuk mund të tërheqin nga 30 % të parave nga kursimet pensionale.
ADVERTISEMENT
Nëse do të votohej për, kjo do të ishte hera e dytë që qytetarët do të mund të bënin tërheqjen e një përqindjeje të parave nga kursimet e tyre në Trustin Pensional. Tërheqja e parë është bërë në kohën e pandemisë.
Pro ishin deputetët e opozitës kurse kundër ata të pozitës.
