Seanca tjetër përgatitore për rastin ndaj ish-krerëve të UÇK-së do të mbahet më 17 shkurt, datë kjo edhe kur Kosova shënon 15-vjetorin e pavarësisë.
Ndërkohë procesi i gjykimit ndaj Hashim Thaçit, Kadri Veselit, Jakup Krasniqit dhe Rexhep Selimit nëse s’ka rrethana përjashtimore do të fillojë më 21 mars.
Këtë e ka deklaruar kreu i trupit gjykues, Charles Smith.
“Konferenca përgatitore e Prokurorisë së Specializuar do të mbahet më 17 shkurt. Gjykimi të fillojë më 21 mars, nëse nuk ka rrethana përjashtimore”, u shpreh Smith.
Caktimi i seancës përgatitore në ditën e shënimit të 15 vjetorit të Pavarësisë së Kosovës ka nxitur reagime të shumta në Kosovë.
Kryetari i OVL-së së UÇK-së, Faton Klinaku ka thënë se kjo mund të çojë në protestë veteranët.
“Seanca në ditë feste, por as për ne nuk do të ketë festë, e me siguri që protestë.”, ka shkruar ai në Facebook.
