F.B.
Partizanit i ka takuar derbi i futbollit shqiptar. Në ndeshjen e vlefshme për Javën e gjashtë të Kategorisë Superiore skuadra e drejtuar nga Arbër Abilaliaj ka shënuar fitore ndaj Tiranës me rezultat 2-1.
Pjesa e parë ka njohur raste, por megjithatë rrjetat nuk janë prekur dhe skuadrat kanë shkuar në pushimin pesëmbëdhjetë minutësh me rezultat 0-0.
Ka qenë pjesa e dytë ajo e cila ka prodhuar golat. Në minutën e shtatëdhjetë e shtatë një top i krosuar ka gjetur kokën e Maguette i cili e ka çuar topin drejt rrjetës.
Kur është dukur se ndeshja do të mbyllej me fitore minimale të Partizanit, në skenë ka dalur Hasani i cili e ka barazuar rezultatin.
Por “të kuqtë” nuk kanë lejuar që ndeshja të mbyllet me barazim. Ka qenë Mensah ai i cili në minutën e dytë të kohës shtesë ka realizuar për fitoren e Partizanit.
Aktualisht tabela e Kategorisë Superiore kryesohet nga Egnatia.
