Ambasadorja i Ksoovës, në Itali, Lendita Haxhitasim mori pjesë në konferencën ndërkombëtare me titull: “Cilën shqipe për mësimdhënien?”.
Kjo konferencë është organizuar nga Katedra e parë e gjuhës Shqipe në botë në Universitetin Orientale të Napolit, nën përkujdesin Blerina Suta, dhe patronazhin e Ambasadës së Republikës së Kosovës dhe Ambasadës së Republikës së Shqipërisë në Itali.
Gjatë fjalës së saj, Ambasadorja Haxhitasim bëri një ekspoze të politikave që institucionet Shtetit kanë miratuar lidhur me mësimin e gjuhës shqipe si gjuhë amtare (L1) dhe si gjuhë e huaj (L2), duke nënvizuar rëndësinë e saj e cila mbart historinë, kulturën dhe identitetin tonë kombëtar. Andaj edhe duhet promovuar vazhdimisht për të garantuar gjallërinë dhe përhapjen e saj në gjithë botën, theksoi ndër të tjera Ambasadorja.
Të pranishëm ishin gjithashtu edhe shumë profesorë dhe akademikë të nderuar nga të gjitha trojet shqipfolëse dhe Arbëria. Nga Kosova nderuan me pjesëmarrjen e tyre Prof. Rexhep Ismajli, Prof.Lindita Rugova, Blerte Ismajli, Nerimane Kamberi, Rrahman Paçarizi dhe Bardh Rugova.
