Ambasadorja amerikane në NATO Julienne Smith ka konfirmuar gatishmërinë e aleancës veriatlantike që të ndihmojë KFOR-in për t’u përballur me sfidat eventuale.
Duke folur para gazetarëve në prag të takimit ministror në NATO, ambasadorja Smith ka thënë se të gjithë në aleancë me shqetësim monitorojnë situatën në terren në Ballkanin Perëndimor.
“Ne kemi qenë të shqetësuar për shenjat në rritje të paqëndrueshmërisë dhe disa pika ndezjeje ku si rezultat, pamë rritje të dhunës”, deklaroi Smith.
Duke konfirmuar shtimin e numrit të ushtarëve të KFOR-it në Kosovë, ajo tha se mbesin në kontakt me komandantin e forcave të NATO-s për Evropë për të parë nëse ai beson se duhet të kërkohet diçka shtesë për forcat e NATO-s në terren, raporton RTKlive.
“Kjo është një zonë e fokusit për aleancën dhe ne do të vazhdojmë të përcjellim situatën ne rajon dhe të kërkojmë de-përshkallëzimin”, u shpreh ambasadorja Julienne Smith.
Rruga e vetme drejt normalizimit sipas saj, shkon nëpërmjet të dialogut të Brukselit, proces ky siç konfirmon ambasadorja amerikane, e ka mbështetjen e gjithë e NATO-s.
