F.B.
Zëvendësministrja e Kulturës, Rinisë dhe Sportit, Daulina Osmani është shprehur e impresionuar me historinë e hendbollit kosovar. Kjo pas qëndrimit në Shtëpinë e Sportit në Prishtinë, ku janë shfaqur materiale dhe fotografi dokumentuese të zhvillimit të këtij sporti në Kosovë prej shtatëdhjetë vitesh.
“Sot vizitova Federata e Hendbollit e Kosovës në Shtëpinë e Sportit në Prishtinë. Shumë materiale dhe fotografi dokumentuese të historisë së zhvillimit të hendbollit ndër vite.
Nga ekipi i parë i hendbollit në Kosovë, KH Normalisti më 1953, organizimi i Kampionatit të Dytë Botëror të vajzave juniorë më 1979, ndeshja e parë nën strukturën paralele të hendbollit në periudhën e vitit 1991, e deri te anëtarësimi i FHK në Federatën Evropiane në vitin 2004″, ka shkruar Osmani. “Këtë vit, FHK shënon 70 vjetorin e themelimit. Shumë sfida e rezultate përgjatë këtij rrugëtimi të cilat FHK shumë bukur i ka ruajtur dhe dokumentuar në arkivin e federatës. Punë e shkëlqyeshme nga strukturat udhëheqëse të hendbollit në Kosovë”.