F.B.
Atletico Madrid e ka përmbysur skuadrën e Cadiz në një ndeshje ku janë shënuar pesë gola.
Në ndeshjen e xhiros së tetë të La Liga Atletico Madrid është gjetur në disavantazh 2-0, por në fund e ka mposhtur Cadizin 3-2.
Venasit dukeshin të rrezikshëm që në fillim, me Antoine Griezmann që goditi shtyllën brenda tre minutave, por vetëm aq.
Kanë qenë mysafirët që kanë kaluar në epërsi, kur ka realizuar Pires në minutën e dymbëdhjetë.
Pas vetëm pesëmbëdhjetë minutave Cadiz e ka shtuar epërsinë në 2-0 me golin e Marti.
E gjitha që e ka bërë Atletico në këtë pjesëlojë ka qenë ngushtimi i rezultatit me Correa (32′).
Me këtë rezultat, 1-2, është mbyllur pjesa e parë.
Pastaj pjesa e dytë ka qenë e kthimit të madh nga ana e skuadrës së drejtuar nga Diego Simeone.
Molina (46′) dhe Correa (66′) kanë shënuar për Atleticon, duke i dhënë edhe fitoren dhe duke e vendosur në pozitën e katërt në tabelën e La Ligas me gjashtëmbëdhjetë pikë po me një ndeshje më pak. Tabela kryesohet nga Real madrid me njëzet e një pikë.