Tanket Abrams të prodhimit amerikan kanë mbërritur në Ukrainë, ka thënë presidenti Volodymyr Zelensky.
“Lajm i mirë nga ministri [i Mbrojtjes] Umerov. Abrams janë tashmë në Ukrainë dhe po përgatiten për të përforcuar brigadat tona”, citohet të ketë thënë ai në aplikacionin e mesazheve Telegram.
Ndryshe, presidenti i SHBA-së, Joe Biden tha javën e kaluar se tanket e para të SHBA-së Abrams do të dorëzoheshin në Ukrainë këtë javë.
Ndryshe, gjatë një fjalimi të natës vonë, ai kishte vlerësuar se kishte pasur një “javë produktive” për Ukrainën.
“Ekziston një vendim historik i SHBA-së për të prodhuar së bashku armë dhe sisteme mbrojtëse”, ka theksuar ai.
Ai vazhdoi duke thënë se vendi kishte një “perspektivë të qartë” që do të parandalonte përsëritjen e agresionit rus.
Deklaratat e tij vijnë në kohën kur Rusia nisi një sulm ajror gjatë natës në Odesa.
