F.B.
Zëvendësministri i Industrisë, Ndërmarrësisë dhe Tregtisë Mentor Arifaj dhe Martin Pospishil, drejtor në Departamentin për Vendet Evropiane në Ministrinë e Industrisë dhe Tregtisë të Republikës Çeke, sot në Prishtinë nënshkruan Protokollin e parë të bashkëpunimit ekonomik në mes dy vendeve.
Ministria e Industrisë, Ndërmarrësisë dhe Tregtisë, njofton se diskutimet në sesione u bënë në atmosferë miqësorë dhe vullnet për të gjetur mënyra praktike dhe efikase, që do të zgjeron bashkëpunimin në mes të dy vendeve. Palët u pajtuan për të thelluar bashkëpunimin, ku do të mbajnë takimin e radhës së Komitetit të Përbashkët të Bashkëpunimit Ekonomik në vitin e ardhshëm në Pragë.
“Në këtë protokoll, delegacionet ekonomike nga të dy vendet u pajtuan të bashkëpunojnë në këto fusha: tregti, investimeve, industri, TIK dhe teknologjitë e mençur, energji dhe miniera, standardizim, metrologji, testim dhe vlerësim te komformitetit, ambient, transport dhe agrikulture”, njofton Ministria e Industrisë, Ndërmarrësisë dhe Tregtisë.
