F.B.
Kori i Fakultetit të Arteve në Universitetin “Haxhi Zeka” ka arritur të vlerësohet me çmimin e dytë në Festivalin Ndërkombëtar të Korit “Music & Sea” në Greqi.
Ata kanë qenë pjesëmarrës në edicionin e 11-të të festivalit, teksa festivali tashmë është emër eminent për gara të muzikës klasike.
ADVERTISEMENT
“Në një garë me konkurrencë të fortë ndërkombëtare, në performancën e parë Kori i Fakultetit të Arteve nën drejtimin e Prof.asoc. Hysen Nimani është vlerësuar me vendin e dytë, duke treguar talentin dhe pasionin e tyre të jashtëzakonshëm në muzikë”, ka njoftuar Universiteti “Haxhi Zeka” në Pejë.
Kjo nuk është hera e parë që kori i këtij Universiteti arrin të marrë çmime ndërkombëtare.
