F.B.
Dhuna e shfaqur gjatë Superkupës së Kosovës në basketboll mund t’i shkaktojë pasoja KB Golden Eagle Yllit.
Klubi nga Suhareka ishte nikoqir i këtij turneu, ndeshjet e të cilit u zhvilluan javën e kaluar në palestrën “13 Qershori”.
Megjithatë, jo gjithçka shkoi siç është më së miri. Incidente u krijuan në disa ndeshje, që kulmuan edhe me dhunë të dielën, në përballjen mes Trepçës dhe Pejës në finale.
Një reagim rreth këtyre incidenteve është bërë së fundmi edhe nga presidenti i klubit të Yllit, Shaqir Palushi, i cili drejton edhe kompaninë e njohur “Golden Eagle”, që është edhe sponsori kryesor i klubit.
Mes tjerash, Palushi përmes reagimit të tij bëri të ditur se shkaku i këtyre incidenteve është detyruar të shqyrtojë investimet në sport e basketboll.