Ndeshja mes Manchester Unitedit dhe Manchester Cityt nis me fillim nga ora 13:30 dhe zhvillohet në “Teatrin e Ëndrrave”.
Rivalët lokalë, Manchester United dhe Manchester City do të takohen për të 52-tën herë në Premierligë, me “Djajtë e Kuq” që synojnë t’i dhënë fund ecurisë prej tri humbje radhazi në ndeshjet direkte.
Manchester Unitedi i Erik ten Hag është i pamposhtur në shtatë ndeshjet e fundit në ligë, gjashtë fitore dhe një barazim, të cilat përfshijnë fitoret ndaj Tottenhamit dhe Arsenalit, që është lider i renditjes tabelare.
Në anën tjetër, për Pep Guardiolan dhe ekipin e tij fitorja sot është obligim për ta, në rrugën për ta zënë Arsenalin.
ADVERTISEMENT
Aktualisht, “Citizens” kanë 39 pikë, pesë më pak se “Topçinjtë”.
