Për herë të parë në botë, shkencëtarët thonë se një krimb 8 cm është gjetur i gjallë në trurin e një gruaje australiane.
Për një grua 64-vjeçare nga Uellsi i Ri Jugor, ajo që filloi si dhimbje barku dhe diarre, ethe dhe djersitje gjatë natës, u shndërrua në një sprovë mjekësore 16-mujore e pa parë në botë.
Gati një vit e gjysmë pasi simptomat e saj u shfaqën për herë të parë, kirurgët e trurit në Spitalin e Canberra-s nxorrën nga truri i saj një krimb parazitar 8 centimetra – “të gjallë dhe të përdredhur”.
Fillimisht nuk mund të shihja asgjë më anormale, por më pas arrita të ndjeja diçka të veçantë. Mora piskatoren dhe e nxora jashtë dhe mendova, zot, çfarë është kjo? Po lëviz? dhe e vendosa në një enë. Të gjithë ishin të tronditur dhe krimbi që gjetëm po lëvizte mjaft shumë jashtë trurit.”
Studiuesit po paralajmërojnë se rasti nxjerr në pah rrezikun e shtuar të sëmundjeve dhe infeksioneve që kalojnë nga kafshët te njerëzit. Krimbi i rrumbullakët Ophidascaris robertsi është i zakonshëm te pitonët që gjenden në pjesën më të madhe të Australisë.
Shkencëtarët thonë se gruaja ka shumë të ngjarë të marrë krimbin pasi mblodhi një lloj bari vendas, zarzavate Warrigal, pranë një liqeni afër vendit ku jetonte.
Duke shkruar në revistën Emerging Infectious Diseases, Mehrab Hossain, një ekspert australian në parazitologji, tha se ajo dyshon se gruaja u bë një “marrëse aksidentale” pasi përdori për gatim bimët e kontaminuara nga feçet e pitonit me vezët e parazitëve.
