F.B.
Në shkurtin e këtij viti, sulmuesi u transferua nëpërmjet formulës së huazimit në Turqi te Istanbul Basaksehir, por me dy golat në 11 ndeshje për ekipin turk nuk ishin mjaftueshëm që të binden drejtuesit e klubit turk dhe ai u rikthye sërish në Spanjë.
Për momentin, Januzaj nuk ka marrë asnjë ofertë dhe është detyruar të stërvitet i diferencuar nga pjesa tjetër e skuadrës së Sevillas.
28-vjeçari ka edhe tre vite të mbetura në kontratë me Sevillan dhe për të gjitha palët kjo është një situatë jo e mirë.
Drejtuesit e Sevillas nuk kërkojnë t’i mbyllin kontratën në mënyrë të njëanshme pasi do t’iu duhet të paguanin shumë para, ndërsa nga ana tjetër, nëse Januzaj nuk gjen një klub të ri, rrezikon që për pjesën e mbetur të sezonit të qëndrojë jashtë fushave.
Januzaj u transferua te Sevilla me parametër zero nga Real Sociedad në verën e vitit 2022.
