F.B.
Kryetari i Mitrovicës, Bedri Hamza ka reaguar pas deklaratave të një qytetari, se njëri nga të arrestuarit në aksionin e Prokurorisë Speciale në MINT është dhëndër i Hamzës.
Hamza tha se një gjë e tillë nuk qëndron dhe se Irfan Lipovica nuk është dhëndri i tij.
Ai ka paraljmëruar këtë qytetarë se do ta denoncojë për shpifje.
“Një person me emrin Qëndrim Krasniqi, publikisht ka deklaruar se “Irfan Lipovica, i arrestuar ditën e sotme, është dhëndër i Bedri Hamzës dhe se i njëjti është martuar me vajzën e vëllaut tim”. Kjo është një e pavërtetë e madhe dhe një shpifje shumë e ulët.
Prandaj, nëse ky person nuk e tërheq deklaratën e pavërtetë të tij dhe për të njëjtën nuk kërkon falje në mënyrën e njëjtë siç ka shpifur, do ta padis, njejtë siç kam bërë edhe në raste të tjera ndaj personave të tillë.
Për sqarim për opinionin, unë i kam dy vajza dhe nuk janë të martuara dhe kam vetëm një vëlla i cili e ka vetëm një vajzë që as nuk është e martuar e as nuk punon, është studente në vitin e tretë në fakultet.
Gjuhës së tillë shpifëse, fyese, mashtruese e propoganduese duhet t’i vije fundi.
Qëndrim, shihemi në gjykatë!”, ka shkruar Hamza.
