F.B.
Shtatë persona janë arrestuar, derisa katër armë dhe 17 copë municion janë sekuestruar nga Drejtoria Rajonale e Policisë në Pejё gjatë zbatimit të planit operativ “Goditja”.
Ky aksion është realizuar gjatë katër ditëve, prej 11 deri më 14 gusht.
“Gjatё angazhimeve nё terren pёr periudhën kohore katër ditore janё realizuar 170 patrulla policore, 144 pika tё kontrollit tё automjeteve, janë kontrolluar 792 vetura, janё legjitimuar 679 persona, janё kontrolluar 19 lokale tё ndryshme, janё realizuar 17 pika kontrolli me radar dhe alkool test, janё arrestuar 7 persona, janё sekuestruar 17 copё municion dhe janё sekuestruar 4 armë”, njofton Drejtoria Rajonale e Policisë në Pejë, e cila njëherësh ka ftuar të gjithë qytetarët që tё bashkëpunojnë me policinë, me qëllim të krijimit të një ambienti sa më të sigurt për të gjithë qytetarët.