Prokuroria Themelore në Mitrovicë njofton se me urdhër të prokurorit të shtetit janë arrestuar dy persona të dyshuar – mjekë të spitalit në Vushtrri.
Ata janë E.S., dhe A.L., me dyshimin se kanë kryer veprën penale “Marrja e ryshfetit”.
Me vendim të prokurorit, të dyshuarit janë ndaluar për 48 orë, dhe brenda afatit të paraparë ligjor, do të paraqitet kërkesë për caktimin e masës së sigurisë për të dyshuarit.
Njëherit, prokurori ka urdhëruar policinë që të arrestojë edhe të dyshuarin – mjek të spitalit në Vushtrri, me iniciale I.Z..
Ai dyshohet se ka kryer veprën penale “Marrja e ryshfetit”. Sapo të arrestohet, prokuroria njofton se ndaj të njëjtit do të lëshohet vendimi për ndalim prej 48 orësh.
Gjithashtu, edhe për këtë të dyshuar do të paraqitet kërkesë për caktimin e masës së sigurisë.