Policia e Kosovës në rajonin e Gjilanit, ka vazhduar me aksionin “Goditja”, me qëllim të shtimit të masave të sigurisë, respektivisht ruajtjen e rendit dhe qetësisë publike.
Sipas njoftimit të policisë së Kosovës, qëllimi kryesor i kësaj fushate është të reduktojë rreziqet dhe tensionet që shkaktohen nga armëmbajtja pa leje dhe të ndihmojë në forcimin e rendit dhe sigurisë publike.
Lidhur me këtë aksion sipas policisë për tri ditë janë arrestuar 13 persona dhe janë konfiskuar katër armë.
“Duke dashur të ofrojmë një pasqyrë rreth aktiviteteve të ndërmarra, Drejtoria rajonale e Policisë Gjilan ka kontrolluar lokale, automjete e qytetar me ç’ rast po ofrojmë disa të dhëna statistikore:
Bazuar në të dhënat dhe raportet tonë mbi zbatimin e planit operativ “Goditja 2023’’ që nga data 08.08.2023 deri me datën 11.08.2023 janë kontrolluar 25 lokale, janë kontrolluar njëmijë e gjashtëqind e katër dhjetë e nëntë (1649) automjete, legjitimuar njëmijë e nëntëqind e pesëdhjetë e pesë (1955) persona, konfiskuar katër armë dhe arrestuar e dërguar në mbajtje 13 persona”, thuhet në njoftim.