F.B.
Lidhja Demokratike e Kosovës ka folur për ministrat e Qeverisë të cilët kanë shkelur Kushtetutën e Republikës së Kosovës.
Në një konferencë për media deputetët, Armend Zemaj dhe Shkëmb Manaj, kanë folur për shkelje të vazhdueshme sipas tyre.
Zemaj ka thënë se ky pushtet është pushtet i shkeljeve kushtetuese dhe ligjore, dhe se kjo praktikë e Qeverisë ka kaluar në normalitet.
Sipas Zemajt, pushteti bënë thirrje publike për shkelje të Kushtetutës dhe pastaj e shkelin Kushtetutën. Ai thotë se kjo Qeveri ka bërë thirrje që anarkia të dominoi, ka bërë thirrje që të gjithë të jenë të frikësuar mbi ligjin dhe pushtetin.
Deputeti Shkëmb Manaj, ka thënë se dje fitoi sundimi i ligjit, kushtetutshmëria, dhe dje fituan zyrtarët publik.
LDK i ka ftuar gjithë zyrtarët publik që të jenë në shërbim të shtetit të Kosovës.
Ndërkohë, Zemaj ka folur edhe për tërheqje e 25% të Policisë së Kosovës nga veriu, duke thënë se kryeministri Kurti sikurse herëve tjera ka rënë në grackën e presidentit serb, Aleksandër Vuçiq.
