Ministria e Financave, Punës dhe Transfereve ka njoftuar se ka transferuar në llogarinë e Trustit mjetet për rimbursimin e një pjese të kontribuesve të cilët kanë tërhequr kontributet pensionale.
“Shpërndarja nëpër llogari të 12,090 kontribuesve është realizuar nga Trust gjatë ditës së sotme, në përputhje me metodologjinë e dakorduar në mes të MFPT-së dhe Trust-it”, thuhet në njoftimin e Ministrisë.
Procesi i rimbursimit do të vazhdoj deri në vitin 2028 dhe do të jetë i ndarë në disa kategori. Sivjet do të realizohet për personat që kanë dale apo pritet të dalin në pension deri në fund të këtij viti.
“Rimbursimi do të vazhdojë vitin e ardhshëm për personat që pritet të dalin në pension gjatë vitit 2024 e kështu me radhë, deri në përmbylljen e plotë të rimbursimit për të gjitha gjeneratat e tjera deri në vitin 2028”, njofton Ministria.
Rimbursimi do të bëhet në mënyrë automatike.
