F.B.
Kryeministri Albin Kurti është deklaruar në lidhje me përgjimet e publikuara të shefes së deputetëve të Lëvizjes Vetëvendosje, Mimoza Kusari me Slavko Simiqin e Listës Serbe.
I pari i ekzekutivit në vënien e gurthemelit të Qendrës Multifunksionale në Podujevë tha se Kusari si Shefe e Grupit Parlamentar e ka për detyrë që të komunikojë me shefat e grupeve tjera.
Ai i ka quajtur interpretime partizane incizimet e publikuara derisa ka kërkuar që organet e drejtësisë të merren me to.
“Aty shefja e grup parlamentar dëgjohet disa sekonda e shumë minuta ka interpretime partizane. Shefja e grupit parlamentar natyrisht që komunikon me shefat e grupeve tjera parlamentare. Qeveria ka zero varësi nga Lista Serbe dhe kjo e ka bërë pushtetin tonë progresist si asnjë tjetër. Unë skam komunikua asnjëherë me personin në fjalë. Keni kujdes nga lufta hibride që bëhet nga Serbia. Janë duke u përpjekur si autokraci që janë në shtetin fqinjë të shkaktojnë konfuzion te opinioni publik”, ka shtuar ai.
Kurti po ashtu ka pranuar se Kusarit i është lëshuar në interfon Milan Radojçiqi.