F.B.
FC Ballkani ka njoftuar se tifozët mund të blejnë biletat edhe brenda stadiumit “Fadil Vokrri”, për ndeshjen ndaj Ludogoretsit, e vlefshme për raundin e parë kualifikues në Ligën e Kampionëve.
Kjo ndeshje do të zhvillohet të martën, nga ora 20:45.
Përveç sistemit online, klubi i Ballkanit ka bërë të ditur se biletat mund të blihen edhe në stadium që nga dita e nesërme (e hënë).
“BILETAT EDHE NË PRISHTINË!
Të gjithë të interesuarit në kryeqytet, për t’u pajisur me biletat e vlefshme për ndeshjen kualifikuese të Ligës së Kampionëve, ndërmjet BALLKANIT dhe Ludogorets, mund t’i sigurojnë ato që nesër (e hënë), te hyrja VIP1 – zyra e mediave, brenda stadiumit “Fadil Vokrri”, nga ora 09:00 deri në 17:00.
Siguroje vendin tënd dhe të afërmve tuaj, për ta përkrahur kampionin e Kosovës””, njofton FC Ballkani.
