Autoritetet greke kanë goditur një rrjet prostitucioni, ku drejtues ka qenë një shtetas shqiptar.
Mediat greke shkruajnë se rrjeti i prostitucionit drejtohej nga shqiptari dhe gruaja 40-vjeçare nga Uzbekistani, e cila është arrestuar.
35 vjeçari shqipatr dhe partnerja e tij “peshkuan” vajza të reja nga Uzbekistani duke u ofruar punë “të arta” në Greqi. Vajzat silleshin në mënyrë ilegale dhe më pas i mbanin në kushte çnjerëzore
Rrjeti i trafikut u çmontua pas tentativës së një gruaje për t’u arratisur nga banda. Sakaq Departamenti i Policisë Kundër Trafikimit të Qenieve Njerëzore ka ushtruar kontroll në dy banesa të organizatës, në rrugën Neophytou Metaxa, ku edhe u gjetën dhe sekuestruan 2600 euro, një celular, një pasaportë si dhe dëftesa bankare, transferta për në Uzbekistan dhe nga Uzbekistani.
Ndaj 40-vjeçares dhe bashkëpunëtorëve të saj u ngrit një dosje për Organizatë Kriminale, Trafikimin e Qenieve Njerëzore dhe Shkeljen e Kodit të Emigracionit dhe Integrimit Social.
