Cristiano Ronaldo do të bëhet sot edhe zyrtarisht futbollist i ri i Al-Nassr.
Futbollisti portugez do t’ju nënshtrohet vizitave mjekësore para se ta nënshkruajë kontratën deri në vitin 2025.
Dhe, gjatë prezantimit të tij, 37 vjeçari do të jetë i shoqëruar nga një “ushtri” bashkëpunëtorësh dhe nga disa pjesëtarë të sigurimit për ta ruajtur privatësinë e tij, shkruan mediumi “Record”.
Ronaldo pritet të paguhet rreth 175 milionë euro në vit, përfshirë këtu rrogën dhe reklamat.
Pesë herë fituesi i Topit të Artë u nda me Manchester Unitedin në muajin nëntor pas intervistës së famshme që e dha, përmes së cilës i kishte goditur “Djajtë e Kuq”.
E tash, në perëndim të karrierës, pasi fitoi gjithçka të mundshme në futbollin evropian, “CR7” do ta sprovojë veten në Arabinë Saudite, duke i dhënë fund kështu futbollit në nivelet më të larta.
