Oana Lungescu, zëdhënësja e NATO-s, ka deklaruar sot se NATO po i merr seriozisht ngjarjes në veri të Kosovës.
Në një postim në llogarinë e saj në Twitter, ajo ka shkruar se angazhimi i misionit të NATO-s për zbatimin e mandatit të tij është i palëkundur.
Madej për këtë ajo si fakt përmendi edhe dislokimin e fundit shtesë të 500 trupave.
“Angazhimi i misionit të NATO-s për zbatimin e mandatit të tij është i palëkundur, siç tregohet nga dislokimi shtesë i fundit i 500 trupave”.
Ajo tha se Misioni i NATO-s në Kosovë po i merr të gjitha masat e nevojshme për të siguruar një mjedis të sigurt dhe liri të lëvizjes për të gjitha komunitetet në Kosovë, siç autorizohet me Rezolutën 1244 të Këshillit të Sigurimit të OKB-së.
“I rikujtojmë edhe një herë të gjitha palëve obligimet e tyre ndaj KFOR-it sipas Marrëveshjes Teknike Ushtarake, duke përfshirë respektimin e vijës kufitare administrative, procedurat për Policinë e Kosovës dhe Marrëveshjen e vitit 2013 për dislokimin e Forcave të Sigurisë së Kosovës në veri”, shkroi Lungescu.
“Këto detyrime janë krijuar për të siguruar veprim të koordinuar, për të shmangur përshkallëzimin dhe për të ruajtur mjedis të sigurt”.
