Sekretari amerikan i Shtetit Antony Blinken mbërriti të dielën në Pekin. Blinken është diplomati i parë i lartë amerikan që viziton Kinën në pesë vjet.
Ai viziton Kinën mes lidhjeve të ftohta dypalëshe dhe perspektivave të zbehta për ndonjë përparim në listën e gjatë të mosmarrëveshjeve midis dy ekonomive më të mëdha në botë.
Pasi shtyu një udhëtim në muajin shkurt pas balonës së dyshuar spiune kineze e cila fluturoi mbi hapësirën ajrore të SHBA, Sekretari amerikan i Shtetit Antony Blinken do të bëhet zyrtari më i lartë i qeverisë amerikane që viziton Kinën që kur presidenti Joe Biden mori detyrën në janar 2021.
Gjatë udhëtimit të tij të 18-19 qershorit, ai pritet të takohet me ministrin e jashtëm kinez Qin Gang, kryediplomatin kinez Wang Yi dhe ndoshta presidentin Xi Jinping dhe të punojë drejt krijimit të kanaleve të hapura dhe të qëndrueshme komunikimi për të siguruar rivalitetin strategjik midis dy vendeve.
Ky sipas medieve do të jetë një udhëtim i ndjekur nga pjesa tjetër e botës, pasi çdo përshkallëzim midis superfuqive mund të ketë pasoja në mbarë botën në gjithçka, nga tregjet financiare tek rrugët dhe praktikat tregtare dhe zinxhirët e furnizimit global.
