Ish-basketbollistja e KB Universitetit nga Prishtina, tashmë në rolin e vëzhgueses/delegates në Federatën e Basketbollit të Kosovës (FBK), Vlora Braha do të merr pjesë në Punëtorinë që do të organizohet nga FIBA për Delegatët Teknik, cikli 2023-2025. Punëtoria do të organizohet në Ljubljanë prej 16 deri më 18 qershor dhe kjo do të jetë hera e parë që FBK përfaqësohet nga gjinia femërore në këtë rol, pra të delegates teknike në FIBA.
Objektivat e Punëtorisë janë:
- Ofrimi i të gjitha njohurive të nevojshme në lidhje me kriteret e kualifikimeve për FIBA EuroBasket 2025 dhe detyrat e FIBA Delegates Teknike gjatë një ditë specifike për delegatët e rinj teknik të FIBA-s.
- Eksperienca në aktivitete të ndryshme grupore.
- Kalimi nëpër aktivitete të ndryshme praktike.
- Vizita në palestrat e FIBA Eurobasket 2023 të Femrave dhe puna në grupe në aktivitete të ndryshme në terren.
- Vëzhgimi i një ndeshje dhe përmbledhja/raportimi.
Gjithashtu të gjithë pjesëmarrësit e kësaj Punëtorie do të jenë prezent në ndeshjet e FIBA EuroBasket 2023 të Femrave që ka filluar më 15 dhe do të përfundoj më 25 qershor në Izrael dhe Slloveni.
Një nga pesë qëllimet e FBK-së në Planin Strategjik 2021-2025 është Vajzat dhe Gratë nëBasketboll, ku përfshihet edhe ngritja e kapaciteteve njerëzore tek gjinia femërore, pra synimi i FBK-së është që të rrisë numrin e vajzave e grave që merren me basketboll në fushën e lojës, por edhe jashtë saj, pra FBK investon në trajnere, refere, delegate, administratore, menaxhere, të gjitha këto për të shërbyer si rol modele të së ardhmes.
