Në 24-vjetorin e Çlirimit të Prishtinës, titulli “Qytetar nderi i kryeqytetit” i është dhënë lordit britanik Paddy Ashdown.
Kjo në nderim të kontributit të tij në në luftën për drejtësi dhe pavarësinë e Kosovës.
“Paddy Ashdown ishte udhëheqës, diplomat dhe luftëtar i drejtësisë, i cili ndikoi thellë në peizazhin politik në Mbretërinë e Bashkuar dhe në Kosovë. Ai kundërshtoi veprat mizore dhe përkrahu pavarësinë e Kosovës që në vitin 1996. Duke dëshmuar në gjykatën ndërkombëtare të Hagës dhe mbështetur intervencionet e NATO-s, ai u bë zëri i drejtësisë për Kosovën”, thuhet në njoftimin e shprëndarë nga kryetari Përparim Rama.
Por, Ashdowni nuk jeton më, prandaj titullin në emër të tij e pranoi e bija, Katherine Theurel.