Ministria e Ekonomisë, në bashkëpunim me USAID-in, kanë organizuar konferencën e para-ofertimit për ankandin solar 100 MË, raporton RTKlive.
Me këtë rast kryeministri Albin Kurti ka thënë se Kosova po bënë një hap madhor në sektorin e energjisë.
“Jam shumë i kënaqur që ministrja Rizvanolli me ekipin e saj kanë arritur të nisin këtë proces. Kjo edhe do të shtojë beneficionet e do të zvogëloj kostot si dhe do të shtrojë rrugën drejtë projekteve të ardhshme për energji të ripërtëritshme. Kemi bërë një hap madhor në sektorin e energjisë. Jam krenar që Kosova po i merrë te gjitha hapat drejtë një ekonomie miqësore ndaj ambientit. Qëllimi ynë është që të krijojmë një mjedis të favorshëm për investime”, ka shtuar i pari i ekzekutivit.
Ndërsa ministrja e Ekonomisë, Artane Rizvanolli derisa falënderoi Shtetet e Bashkuara të Amerikës dhe USAID-in për mbështetjen e dhënë, tha se kapacitetet e ripërtërishme janë kyqe
“Kapacitetet e ripërtërishme janë myqe. Ju do të keni mundësinë të shihni pas tre muajve ndryshimet. Dëshiroj të falënderoj Shtetet e Bashkuara te Amerikës dhe USAID-in për mbështetjen. Është e natyrshme që këtë hap të parë ne po e bëjmë bashkërisht. Mirëpres bashkëpunim te frytshëm në të ardhmen”, potencoi ajo.
Ndërsa, ambasadori amerikan, Jeffrey Hovenir tha se ankandi paraqet një hap të rëndësishëm të Kosovës në integrimin në BE.
“Kriza energjetike e qartësoi rëndësinë e furnizimit të qëndrueshëm me energji elektrike. Më vjen mirë që po e shoh që edhe sektori privat është i përfshirë në këtë proces.Përfshirja e tyre është jetike në arritjen e qëllimeve. I përgëzoj prirësit e Kosovës për një proces transparent dhe për bashkëpunimin me sektorin privat. Ky ankand paraqet një hap të rëndësishëm të Kosovës në integrimin në BE”, ka shtuar ai.