Instituti Demokratik i Kosovës (KDI) së bashku me Transparency International Slovakia kanë mbajtur konferencë për medie ku është prezantuar Indeksi i Transparencës për qeverisjen komunale për vitin 2022, për 38 komunat e Kosovës.
Indeksi i transparencës në qeverisjen komunale për vitin 2022 e rendit komunën e Skënderajt si qytetin më transparent me 92.63 pikë nga 100, pasuar nga komunat e Lipjanit dhe Mitrovicës me nga 91.13 pikë, Prizreni 90.63 pikë, Drenas 89.88 pikë e Prishtina me 89.13 pikë.
Diana Metushi-Krasniqi, menaxhere e projektit në KDI, gjatë prezantimit të gjetjeve kryesore të raportit tha se viti 2022 ka shfaqur një trend pozitiv të transparencës në nivel komunal me një rritje prej 12% pikë në krahasim me vitin paraprak, nga 56% në vitin 2021 në 68% në vitin 2022.
“Ueb faqet e komunave vazhdojnë të përballen me probleme teknike të cilat dekurajojnë qytetarët, por edhe akterë të tjerë, t’i shfrytëzojnë ato si burim i informacionit”. Në vazhdim, ajo theksoi se mungesa e standardeve për publikimin dhe emërtimin dokumenteve e vështirëson edhe më shumë informimin publik dhe rrit kohën për gjetjen e informacionit”, tha ajo raporton EO.
