Policia e Kosovës ka njoftuar se dje ka arrestuar një burrë, si të dyshuar lidhur me një rast që ka ndodhur në shkurt të këtij viti në fshatin Levoshë të Pejës.
Përmes raportit 24 orësh, Policia ka bërë me dije se ka ndryshuar cilësimi i veprës nga “hetim i vdekjes” në “vrasje nga pakujdesia”.
I dyshuari është liruar pas intervistimit.
ADVERTISEMENT
“Fsh. Levoshë, Pejë 04.02.2023, 11:43. Me datën 19.05.2023 është arrestuar një mashkull kosovar si i dyshuar lidhur me rastin. Po ashtu në konsultim me prokurorin është ndryshuar cilësimi i veprës nga hetim i vdekjes në vrasje nga pakujdesia. Pas intervistimit me vendim të prokurorit i dyshuari është liruar në procedurë të rregullt”, thuhet në raport.
