Presidentja Vjosa Osmani në një deklarim për media ka folur në lidhje me betimin e kryetarëve të komunave veriore.
“Siç e dini zgjedhjet janë mbajtur për shkak se kushtetuta jonë dhe legjislacioni në fuqi kërkon që të mbahen zgjedhje sa herë që një kryetar komune jep dorëheqje, pra ajo që e ka shtyrë këtë situatë e ka krijuar këtë situatë ka qenë dorëheqja e ish-kryetarëve tashmë të komunave veriore”, tha ajo.
Sipas saj në këtë situatë ka pasur obligime kushtetuese dhe ligjore dhe institucionet e sigurisë kanë bërë çmos që dita e zgjedhjeve të shkojë pa asnjë problem.
“Bojkoti i qytetarëve serbë atje nuk ka qenë vullnetarë, ka qenë bojkot i detyruar i cili është nxitur nga Vuçiqi në Serbi dhe është zbatuar nga strukturat e tij ilegale dhe kriminale në veri të Kosovës, të cilët vazhdimisht kanë frikësuar kanë shantazhuar dhe kërcënuar qytetarët serbë në veri.
E para e vendit tha se tani jemi në një situatë ku përkundër përqindjes së vogël, ligji nuk kërkon ndonjë përqindje të caktuar të pjesëmarrjes në zgjedhje. Sipas saj brenda afateve ligjore kryetarët ta bëjnë betimin dhe të fillojnë punën e tyre.
“Çka është me rëndësi është që të gjithë kryetarët t’i të punojnë me qytetarët që banojnë në këto katër komuna dhe t’i bindin që të gjitha projektet janë në të mirë të tyre shërbimet administrative janë në të mirë të tyre, siguria është në të mirë të tyre projektet ekonomike i fuqizojnë ata pra secili veprim është për të mirën e qytetarëve dhe jo të kundërtën”, tha Osmani.
