Zëvendëspresidenti i Parlamentit Evropian, Rainer Wieland ka arritur në ndërtesën e Qeverisë së Kosovës ku pritet të nisë takimin me kryeministrin, Albin Kurti.
Mediet janë lejuar të marrin pamje vetëm në oborrin e qeverisë derisa janë njoftuar se nuk do të ketë deklarim për gazetarët.
Më heret edhe kryetari i Lidhjes Demokratike të Kosovës, Lumir Abdixhiku ka pritur në takim zëvendëspresidentin e Parlamentit Evropian, Rainer Wieland.
LDK përmes një komunikate ka njoftuar se gjatë takimit është diskutuar për rolin konstruktiv dhe mbështetës që Parlamenti Evropian si njëri ndër institucionet më të rëndësishme të BE-së i ka dhënë Kosovës në proceset shtetndërtuese, veçanërisht në procesin e liberalizimit të vizave.
“Kryetari Abdixhiku e njoftoi z. Wieland për qëndrimet e LDK-së karshi zhvillimeve në vend me theks të veçantë për procesin e dialogut me Serbinë, qëndrime të njohura tashmë. Në takim u diskutua edhe për mundësitë e thellimit të bashkëpunimit në mes të Parlamentit Evropian dhe Kosovës”, u tha në njoftimin e LDK-së.