Policia e Kosovës ka marr sot donacion 7 sisteme të fluturakeve pa pilotë donacion nga Shtetet e Bashkuara të Amerikës.
Në ceremoninë e nënshkrimit të pranim-dorëzimit të donacionit prej 7 dronëve mori pjesë drejtori i Përgjithshëm i Policisë së Kosovës kolonel Gazmend Hoxha, ambasadori i amerikan Jeffrey Hovenier etj.
Drejtori Hoxha tha se SHBA-të janë ndër mbështetësit kryesorë të Kosovës, ndërsa tha se ky donacion është tejet i çmueshëm dhe ndër të tjera do të përdoret për monitorimin edhe të kufijve të Kosovës.
“Në lidhje me donacionet që po pranojmë sot, është një donacion i nevojshëm dhe i çmueshëm i cili do të ndikojë pozitivisht një ngritjen e kapaciteteve të Policisë për të menaxhuar situata në terren, si nga aspekti i menaxhimit të eventeve të mëdha, si në protesta, koncerte, manifestime publike, monitorimin e kufijve të Kosovës si dhe në operacione tjera të hetimit që policia do t’i kryejë në të ardhmen”, tha Hoxha.
Drejtori i Policisë tha se ky donacion janë dronë dhe pajisje të cilat janë përzgjedhur dhe selektuar nga ekspertët e Policisë së Kosovës në bashkëpunim me ekspertët amerikanë”, tha drejtori i policisë.
Ai tha se këto pajisje do të përdoren vetëm me qëllime të ligjshme, në shërbim të qytetarëve për të garantuar jetë të sigurt dhe qetë brenda territorit të Kosovës.
Ndërkaq, ambasadori amerikan, Jeffrey Hovenier tha se sot po zyrtarizojnë donacionin e qeverisë amerikane për Policinë e Kosovës të 7 sistemeve të fluturakeve pa pilotë.
Ai tha se duke marr parasysh shkallën e veprimtarisë kriminale të grupeve të krimit të organizuar që janë në rajon këto sisteme të fluturakeve pa pilotë do të jenë burim jetik i organeve të zbatimit të ligjit për të luftuar këto veprimtari kriminale të cilat siç tha zhvillohen përmes tokës dhe ajrit.
“Këto pajisje do të sigurojnë mbikëqyrje dhe ofrojnë mbështetjen taktike dhe siguri të perimetrit për misionet policore…. Mund të monitorohen zona të ndjeshme të aktiviteteve tjera të paligjshme të kontrabandës”, tha ai.
Sipas tij, dronë po ashtu mund të ndihmojnë në mbledhjen e dëshmive përmes regjistrimit të pamjeve.
