Në Shqipëri Forcat e Armatosura shënojnë 111- vjetorin e themelimit, e me këtë rast Presidenti, Bajram Begaj ka uruar Forcat e Armatosura të Shqipërisë për 111-vjetorin e themelimit, duke thënë se janë krenari kombëtare.
Përmes një postimi në Facebook, Begaj ka shprehur nderim dhe mirënjohje për efektivët e FA-së për sakrificën dhe përkushtimin në misione të vështira.
Begaj tutje ka thënë se FA janë krenari kombëtare që kanë arritur me sukses të mbajnë lart flamurin dhe emrin e Shqipërisë.
“Sot shënojmë 111-vjet të Forcave të Armatosura. Nderim dhe mirënjohje për secilin prej jush; djem, vajza, burra dhe gra, që shërbeni me guxim të pakrahasueshëm, sakrificë të thellë dhe përkushtim të palëkundur në misione të vështira si dhe në ato paqeruajtëse jashtë kufijve tanë!
Faleminderit që mbani lart me trimëri flamurin dhe emrin e Shqipërisë!”, ka uruar Begaj.